.. الفيزياء ماده مكمله
: من 300 درجه كل تيرم 150 نفس التقسيمه
90 << امتحان فاينال
20 << امتحان عملى
10 << امتحان شفوى
20 << امتحان ميدتيرم
10 << حضور السكاشن العملى فى المعمل
الفيزيا بيشرحها 4 دكاترة -غالبا- و بتكون متقسمة علي جزئين شغالين بالتوازي
و بيكون دكتورين لكل جزء و الدكتور بيكون مسئول عن 3 مجموعات يعني في الفيزيا بناخد محاضرتين في الاسبوع كل محاضرة في جزء من الجزئين
-------------------------------------------------------
: الترم الأول
هندرس جزئين .. خواص المادة و الحرارة
: خواص المادة
و موضوعاتها .. الحركة الدورانية - سريان الموائع - اللزوجة
الحركة دورانية : بندرس فيها حركة المواد دورانيا و القوانين اللي بتحكم الحركة دي و تطبيقاتها
المرونة: و هنا بندرس قوانين بتعبر عن مرونة المواد و خواص المواد دي و تطبيقاتها
سريان الموائع : و هنا بندرس قوانين السريان للموائع اللي هي السوائل و الغازات و التطبيقات علي القوانين اللي بتحكمها
الزوجة : بناخد فيها قوانين اللزوجة للمواد و خواصها و تطبيقاتها
: الحرارة
و موضوعاتها .. الوحدات و الابعاد - انتقال الحراراة - الديناميكا الحرارية
وحدات وأبعاد : بتدرس وحدات الكميات الفيزيائية و التحويلات بينها و ده اي مهتدس بيحتاجه عشان يقدر يتعامل مع الكميات الفيزيائية و القوانين المختلفة
إنتقال الحرارة : و بتدرس فيها مفاهيم و تعريقات خاصة بالحرارة و القوانين اللي بتحكم انتقالها ف الاجسام و الاوساط المختلفة و طرق انتقالها
الديناميكا الحرارية : بندرس فيها حالات تأثير الحرارة علي ديناميكية المواد و العملية الايزوثرمية و الاديباتية و القوانين اللي بتحكم الحاجات دي و تطبيقاتها
-------------------------------------------------------
: الترم التاني
بندرس جزئين .. الفيزياء الكهربية .. الفيزياء المغناطيسية و البصريات
: الكهربية
هندرس قوانين الكهربية زي قانون كولوم و المجال الكهربي و تأثير المواد المشحونة علي بعضها و تأثير المجال عليها
و الكهربية التيارية و الجهد و قوانين التيار الكهربي
: جزء المغناطيسة و البصريات
هندرس المجال و الفيض المغناطيسي و قوانينهم و حركة الشحنات داخل المجال المغناطيسي و العلاقة بين المجال الكهربي و المغناطيسي
اما في البصريات هندرس الضوء و خواصه و القوانين اللي بتحكم حركته زي الانكسار و الانعكاس و تطبيقاتهم
-------------------------------------------------------
الفيزيا من المواد اللي بتحتاج فهم بنبسبة كبيرة جدا فانت مطالب انك تبقي فاهم المنهج كويس و لو حاجة مش واضحة اسأل فيها
بيكون ليها سكشن كل اسبوع مرة عملي و مرة نظري
من المواد اللي هتحبها جدا و دكاترتها في قمة التعاون و المعرفة و الاحترام ^_^
This comment has been removed by a blog administrator.
ReplyDelete